අභිමානවත් ඌවපරණගම ප්‍රාදේශිය සභා වංශ කථාවේ නව පරිච්ඡේදයක් සනිටුහන් කරන ප්‍රාදේශීය සභා නිල වෙබ් අඩවිය සඳහා පණිවිඩයක් මා ලබා දෙන්නේ හදපිරි භක්තියෙනි. වඩාත් ඵලදායි , කාර්යක්ෂම මහජන සේවයක් ඔබ වෙත තිළිණ කිරීම අපගේ අභිප්‍රාය වන අතර, මෙම අරමුණු සාක්ෂාත් කර ගැනීම සඳහා ප්‍රාදේශීය සභාව වශයෙන් ගත හැකි සෑම පියවරක්ම ජය ගනිමින් ජනතාව වෙනුවෙන් මහගු සේවාවක් දැඩි කැපවීමෙන් යුතුව කටයුතු කරමි. එකී බල ප්‍රදේශයේ වෙසෙන සියලු ජනතාවගේ අදහස් නියෝජනය කරනු ලබන ප්‍රධාන නියෝජිතයා ලෙස මා සතු වගකීම් ඉටුකිරීමේදී, බල ප්‍රදේශයේ සියලු ජනතාවගේ අවශ්‍යතාවයන් වඩා කාර්යක්ෂමව හා අනලස්ව ඉටුකරදීම සදහා වෙබ් අඩවියක් විවෘත කරදීමට ලැබිම පිළිබඳව මා බෙහෙවින් සතුටට පත්වන අතර මෙම වෙබ් අඩවිය සදහා ඔබ සැම සාදරයෙන් පිළිගනිමි.ප්‍රදේශයේ බදු ගෙවන ජනතාවගේ බදු මුදලට සරිලන සේවාවන් ලබාදීම සදහා මා නිරතුරුවම  කැප වන්නෙමි. එහිදී ප්‍රදේශයේ සංවර්ධන කටයුතු සිදු කිරීම මෙන්ම ජනතාවගේ තොරතුරු දැනගැනීමේ අයිතියද තහවුරු කරදීම සදහා මෙය මහගු අවස්ථාවක් වනු ඇත.

කාර්යබහුල ජීවන රටාවේ කාලයත් සමග කරනු ලබන සටනේදී, කාර්යාල තුළට ප්‍රවේශවී සිය අවශ්‍යතාවයන් ඉටුකර ගැනීමට නොහැකි සේවාලාභීන්ට මෙය සුවිශේෂී අවස්ථාවක් වන අතර ඒ සදහා මෙම වෙබ් අඩවිය ප්‍රයෝජනයට ගනිමින්  ඔබගේ අවශ්‍යතාවයන් ඉටුකර ගැනීම සදහා කටයුතු කරනු ඇතැයි මා අපේක්ෂා කරමි.  තවද ඔබට තාක්ෂණවේදය පදනම් කරගත් මහජන උපයෝගීතා සේවාවන්හි විෂය පථය තව දුරටත් පුළුල් කිරීමට ද කටයුතු කරනු ඇත.

සමින්ද සුදර්ශන කුරුප්පුආරච්ච්
ගරු සභාපති
ඌවපරණගම  ප්‍රාදේශීය සභාව